कावासोती । कावासोती नगरपालिकाको आज बसेको कार्यपालिका बैठकले विषयगत समितिको संयोजकहरु तोकेको छ । कार्यपालिका बैठकले सुशासन तथा संस्थागत समितिको संयोजकमा डोरमान गिरी, आर्थिक विकास समितिमा भिम रिमाल(गोकर्ण), सामाजिक विकास समितिको संयोजकमा चुणामणी थनेत, पूर्वाधार विकास समितिको संयोजकमा तबारक अहमद मियालाई जिम्मेवारी प्रदान गरेको छ ।
यसै गरि कार्यपालिका बैठकले वातावरण तथा विपद् व्यवस्थापन समितिको संयोजकमा यम बहादुर थापा, विद्येयक समिति संयोजकमा तुलसीराम थारू, स्थानीय राजश्व परामर्श समितिको सदस्यमा शारदा प्रसाद अधिकारीलाई जिम्मेवारी प्रदान गरेको छ । कार्यपालिका बैठकले नगरपालिकाको प्रवक्तामा डोरमान गिरीलाई चयन गरेको छ ।
साथै न्यायिक समितिका दुई जना सदस्यहरूमा बसन्ती कुँवर र युवराज गैरेलाई चयन गरेको प्रवक्ता गिरीले नवलपुर पे्रसलाई जानकारी दिनुभयो ।
