एमाले कावासोती वडा नं. ३को अध्यक्षमा गिरी सर्वसम्मत उमेद्वार

चैत्र २३, कावासोती
आसन्न बैशाख ३० गते हुने स्थानिय तहको निर्वाचनको मिति नजीकिए सगै राजनैतिक दलहरुको चुनावी माहोल समेत तात्दै गएको छ ।
सबै दलहरुले स्थानिय निर्वाचन लक्षित गर्दै आफ्ना गतिविधीहरु संचालन गरेका छन । नवलपुर जिल्लामा नेकपा एमालेले वडा, टोल कमिटि गठन सम्पन्न गरी पाटी सम्पर्क कार्यालय सबै जसो वडामा खोली सकेको छ । त्यस्तै काग्रेसले आन्तरी उमेद्वार छनौट सग सगै ५ दलिय गठवन्धन भने आन्तरीक तालमेलमा लागेको छ ।
पाँच दलिय गठबन्धन छलफलमा जुटी रहदा एक्लै निर्वाचनमा होमिन लागेको एमाले भने नवलपुर जिल्लाको ९२ बटै बडाहरुमा सर्ब सम्मत नेतृत्व छनौटमा लागेको छ । अन्य दलहरुको गठबन्धन बन्ने सम्भावना देखीएकोले पाटीलाई एक बनाएर लैजान एमालेले भने सर्ब सम्मत उमेद्वार छान्न लागेको हो ।
मध्यविन्दु नगरपालिकाको वडा नं. १० मा सर्वसम्मत वडा अध्यक्षको उमेद्वार चुनेको छ भने कावासोती नगरपालिका वडा नं. ३ मा एमालेको तर्फबाट डोरमान गिरीलाई नै पुन उमेद्वार बनाउने भएको एमाले वडा कमिटि इन्चार्ज भेष बहादुर अधिकारीले जानकारी दिनु भयो । उहाँका अनुसार आकाक्षि उमेद्वारहरु बीच छलफल गरेर सर्व सम्मत रुपमा गिरीलाई उमेद्वार बनाउने निर्णय गरेको बताउनु भयो ।
गिरी यस अगी कावासोती नगरपालिकाको वडा नं. ३ बाट नेकपा एमालेबाट उमेद्वार बनेका थिए । उहाँले नेपाली काग्रेसका उमेद्वार अमृत श्रेष्ठ सग पराजय भएका थिए भने गिरीको प्यानलमा रहेका अन्य ४ जना सदस्यले भने विजयी भएका थिए ।