अशोज २५, कावासोती
कावासोति नगरपालिका वडा नं. १७मा निर्माण गरीएको कुमारवर्ती स्वास्थ्य चौकीको आज प्रतिनिधी सभा सदस्य तिलक महतले एक कार्यक्रमका बिच उद्धाटन गर्नुभएको छ । १५ महिनामा निर्माण कार्य सक्ने गरी जिम्मा लिएको जे.जे जेभी निर्माण व्यावसायीले निर्माण कार्य जिम्मा लिएको स्वास्थ्य भवनको ७ महिनामा नै निर्माण सम्पन्न गरी गत अशोज २२ गते भवन हस्तान्तरण गरेको थियो ।
भ्याट रकम र पि.सि सहित ३ करोड ०६लाख ०१ हजार ४सय९०रुपैयाको कुल लागतमा १४ कोठे भवन निर्माण गरीएको कुमारवर्ती स्वास्थ्य चौकीका हेल्थ असिस्टेण्ड अमिर सुवेदीले जानकारी दिनुभयो ।
स्वास्थ्य कार्यालय भवनको उद्धाटन भए सगै नव निर्मित भवनबाट आज देखी नै सेवा प्रदान गरीने स्वास्थ्य चौकीका हेल्थ असिस्टेण्ड सुवेदीले बताउनुभयो ।
भवनको गत माघ ८ गते कावासोती नगरपालिकाका नगर प्रमुख चन्द्र कुमारी पुन र उप प्रमुख प्रेम शंकर मर्दनिया थारुले सयुक्त रुपमा शिलन्यास गर्नुभएको थियो ।
भवन उद्धाटन कार्यक्रममा गण्डकी प्रदेश सभा सदस्य बिष्णु लामिछाने, कावासोती नगरपालिकाका नगर प्रमुख चन्द्रा पुन, उप प्रमुख प्रेम शंकर मर्दनिया, वडा नं. १५का वडा अध्यक्ष देव नारायण महतो , स्वास्थ्य चौकीका पुर्व सचालक समिति अध्यक्ष एवम् सदस्यहरु , विभिन्न राजनैतिक दल एवम् संध संस्थाका प्रतिनिधिहरुको उपस्थिती रहेको थियो । कार्यक्रम कावासोती नगरपालिकाका वडा नं. १७का वडा अध्यक्ष छविलाल महतोको अध्यक्षतामा सम्पन्न भएको थियो ।
