नवलपुरको कावासोती नगरपालिका–१६, चालीस किलोमा बस दुर्घटना हुँदा १७ जना घाइते भएका छन् ।
पूर्व–पश्चिम राजमार्गमा ना५ख ६५६७ नम्बरको बस शनिबार बेलुका करिब पौने ८ बजे आफैँ अनियन्त्रित भई दुर्घटना भएको थियो ।
दुर्घटनामा घाइते भएका चार जनालाई उपचारका लागि कलेज अफ मेडिकल साइन्स अस्पताल भरतपुर ल्याइएको छ ।
अरू घाइतेहरु मध्यविन्दु जिल्ला अस्पताल डन्डामा उपचार पछि डिस्चार्ज भएका प्रहरीले जनाएको छ ।
बससहित चालकलाई जिल्ला प्रहरी कार्यालय नवलपुरले नियन्त्रणमा लिएको जनाइएको छ ।
