नवलपुरमा कांग्रेस जिल्ला सचिवमा ६ जना आकांक्षी

श्रावण १९, मंगलबार २०७८
नवलपुर
नवलपुरबाट आगामी अधिवेशनमा जिल्ला सचिवका लागी ६ जनाले आकांक्षी देखिएको छन् । नवलपुरबाट पार्टीको जिल्ला सचीव बन्नका लागि पुराना देखि नयाँ अनुहारहरु वडादेखि केन्द्र सम्मकै गुटगत तथा व्यक्तिगत लविङ शुरु भइसकेको छ ।
जिल्ला सचिव बन्नका लागि करिब आधा दर्जन नेताले लविङ सुरु गरेका छन् । जिल्लामा सचिव बन्नका लागि ६ जना दाबेदारी प्रस्तुत गरेका छन् । संघीयत क्षेत्र न ः२ वटा रहेको नवलपुर जिल्लाको उल्लेखित ६ जना मध्य ५जना क्षेत्र नः १ बाट र क्षेत्र नः २ बाट एक जना मात्र श्रीधर शर्मा रहेका छन यो भने भौगोलिक सन्तुलनको दृस्टिकोणले चर्चाको बिषय बनेको छ ।
जिल्ला सचिवमा उम्मेदारीको आकांक्षा देखाउनेहरुमा बीपी अध्ययन प्रतिष्ठान गण्डकी प्रदेश उपाध्यक्ष करुणा सागर सुवेदी , महाधिवेशन प्रतिनिधि श्रीधर शर्मा , जिल्ला सल्लाहकार महेन्द्र पोखरेल , जिपि फाउन्डेसन नेपाल नवलपुरका संयोजक झपेन्द्रश्वर भुषाल, जिल्ला सदस्य होमराज रानाभाट, महासमिती सदस्य कपिलदेव भुसालको नाम चर्चामा छन् ।
त्यस्तै जिल्ला सभापतिमा कांग्रेस संघीयताको संरचना अनुसार काङ्ग्रेसले पहिलो पटक महाधिवेशन गर्न लागेकाले यस पटकको महाधिवेशनलाई फरक तरिकाले हेरिएको छ।