श्रावण महिनाको दास्रो सोमबार आज, शिवालय मन्दिरमा भक्तजनको घुइचो

श्रावण ११ सोमबार २०७८
नवलपुर, महिनामा साउन र बारमा सोमबार भगवान् शिवको बार भएकाले यस दिनमा शिवजीको पूजा आराधना एवम् दर्शन गर्नाले मनोकामना पूरा हुन्छ भन्ने धार्मिक विश्वास रहेको छ ।आज श्रावण महिनाको दास्रो सोमबार श्रावण महिनाभरी नै हिन्दू धर्माबलम्बी नारीहरुले भगवान शिवको पूजा आराधना गरी मनाउने गर्दछन् ।
विशेषगरी महिलाहरुले हरियो रंगका वस्त्र, चुरा र मेहंदी लगाएर भगवान शिवको पूजा तथा आराधना गरी ब्रत बस्ने गर्छन । साउन महिनाको सोमबार शिवको प्रिय दिन मानिन्छ । त्यसैले साउनको हरेक सोमबार श्रद्धालुहरुले रातो, हरियो र पहेंलो बस्त्र तथा चुरा(पोते लगाएर शिवको पूजा गर्दछन् । दिनभर व्रत बसेर शिवको पूजा गर्नाले मनोकांक्षा पूरा हुने धार्मिक विश्वास छ । साउनको सोमबार शिवको पूजाआजा गर्दा मनोकाक्षा पूरा हुने विश्वासका साथ बिहानैदेखि महिला दिदीबहिनीहरु शिवमन्दिरमा गएर पूजाआजा गरिरहेका छन् ।
यस पटकको साउन महिनामा पााच वटा सोमवार परेको छ । पााचवटा सोमबार परेको साउन महिना झन् शुभ र पवित्र मानिन्छ । साउने सोमबारको अवसरमा नवलपुरका शिवालय मन्दिरहरुमा बिहानै देखि नै भक्त्तजनहरुको घुईचो लागेको छ । कोरोना भाईरसको जोखिम कायमै रहेकाले स्वास्थ्य मापदण्ड अपनाउन तथा भिडभाड नगर्ने जिल्ला प्रशशासन कार्यालय नवलपुरले आग्रह गरेको छ ।