चार बर्ष देखी कार्यरत स्थायी कर्मचारी स्वत एक तह बढुवा

असार १८, कावासोती
कावासोती नगरपालिकाले नवौँ नगर सभाले कावासोती नगरपालिकामा कार्यारत स्थायी कर्मचारीहरुको समायोजन तथा व्यावस्थापन गर्ने सम्वन्धमा व्यावस्था गर्न बनेको ऐन–२०७८ लाई समेत पास गरेको छ ।
नगरपालिका स्थापनाको समयमा नगरपालिकाको स्वीकृत दरवन्दीमा सेवा प्रवेश गरी हाल सम्म कार्यारत रहेका र समायोजन हुदाँ कावासोती नगरपालिकामा कार्यरत रही सेवामा रहने कर्मचारीहरुको लागी कर्मचारी समायोजन तथा व्यावस्था सम्वन्धी बनेको ऐन निर्माण गरेको नगरपालिकाका प्रमुख प्रशासकिय अधिकृत रमेश धर्तीले जानकारी दिनु भयो । तर यो ऐन निर्माण हुदाँको बखत कम्तीमा ४ (चार) बर्ष स्थायी रुपमा कार्यरत हुनुपर्ने एनमा व्यावस्था गरीएको छ ।
हाल सम्म वीकृत दरवन्दीमा सेवा प्रवेश गरी हाल सम्म कार्यारत रहेका र समायोजन हुदाँ कावासोती नगरपालिकामा कार्यरत स्थायी कर्मचारीको सख्या १२ रहेको छ ।
यस ऐन पास सगै स्वकृत दरवन्दीमा सेवा प्रवेश गरी हाल सम्म कार्यारत रहेका र समायोजन हुदाँ कावासोती नगरपालिकामा कार्यरत कर्मचारीहरुको स्वत एक तह बढुवा हुने भएको छ ।
यो ऐन लागु भए सगै हाल कार्यरत कर्मचारीको सेवा सुविधाका लागी कावासोती नगरपालिकाले बार्षिक तलब भत्तामा रु करीब चार लाख थप गर्नुपर्ने भएको छ ।