बैशाख २८, पोखरा
राष्ट्रिय जनमोर्चा पार्टीका अध्यक्ष चित्रबहादुर केसीले गण्डकीमा पार्टीको ह्विप नमान्ने सांसदलाई कारबाही हुने बताएका छन् । पार्टीको निर्णय नमान्ने जनमोर्चाका गण्डकी प्रदेश सांसद कृष्ण थापालाई कारबाही हुने बताएका हुन् । अध्यक्ष केसीले पार्टीको ह्विप नमान्नेलाई प्रक्रिया अनुसार कारबाही हुने बताए ।
“पार्टीले सांसद बनाउँछ, पार्टीले नेता बनाउँछ पार्टीले सबै बनाउँछ । अब त्यसपछि बिक्री हुने, इमान बेच्ने, नीति बेच्ने, चरित्र बेच्नेलाई कारबाही हुन्छ । पार्टीको विधानअनुसार कारबाही प्रक्रिया अघि बढ्छ,” उनले भने ।
राष्ट्रिय जनमोर्चा पार्टीबाट प्रदेश सासद बनेका थापाले नयाँ सरकार बनाउने पक्षमा विपक्षिदललाई साथ नदिने भएका हुन । थापाको साथ नपाएपछि विपक्षि दलहरुको नेतृत्वमा सरकार नवन्ने लगभय पक्का पक्कि भएको छ । सांसद थापाले नयाँ सरकार गठनमा पार्टीको निर्णय विपरीत विपक्षी गठबन्धनलाई सहयोग नगर्ने निर्णय गरेका थिए ।उनको निर्णयसँगै विपक्षी गठबन्धनको सरकार नबन्ने देखिएको छ ।
